Të shtëna me armë janë raportuar mesditën e sotme në qytetin italian Macerata.
Të paktën 6 persona raportohet të jenë plagosur, nga të cilët 4 ndodhen në gjendje të rëndë për jetën.
Policia ka bërë të ditur se të shtënat kanë ardhur nga një makinë “Alfa Romeo” me ngjyrë të zezë. Ndërsa ende nuk ka një motiv që ka shtyrë autorët të qëllojnë, kryebashkiaku i ka kërkuar qytetarëve të qëndrojnë në shtëpi deri në qetësimin e situatës.