Standard.al

Veasja e Devi Kasmit shpie policinë në Madrid. Ja si ndodhën ngjarjet

0

Atentati që përfundoi me ekzekutimin e Devi Kasmit mbrëmjen e djeshme në Tiranë ka rikthyer edhe njëherë vëmendjen tek përplasja vite më parë e të fortëve të kryeqytetit, jashtë Shqipërisë.

Mëngjesin e sotëm Policia e Tiranës e cila po heton edhe vrasjen, bëri të ditur se personi i dyshuar kryesor, është Domard Konjari.

I riu nga Tirana, duket se ka qenë personi i parë për të cilin policia ka dyshuar, pasi në vitin 2010 kishte mbetur i plagosur në një atentat në Spanjë, ku ishte vrarë një tjetër shqiptar, por që mbante emër të rremë grek.

Shqiptari mësohet se mbante emrin, Dimitrio N., fillimisht i identifikuar si grek, por më pas hetimet nxorrën se ai ishte shqiptar që mbante emër të falsifikuar.

Pikërisht mëngjesin e sotëm policia e ka shpallur në kërkim Konjarin, ndërsa avokati i tij, Vladimir Meçe u shpreh paraditen e sotme se nuk e dinte ku ishte klienti i tij, i cili nuk ishte në Shqipëri.

Në janar 2010,  informohemi ku në autoambulancë duket Konjari, që po transportohej për në spital, ndërsa kishte mbetur i vrarë miku i tij, shqiptar.

Atentati do të organizohej para një hoteli në Madrid. Pikërisht për këtë atentat, ka qenë i dyshuar edhe Devi Kasmi, i cili mbrëmjen e djeshme u ekzekutua me 4 plumba. Kasmi kishte pak kohë që kishte ardhur nga Spanja dhe për këtë arsye edhe ruhej.

Policia i ka gjetur në çantë një pistoletë, ndërsa në shtëpi i gjetën 3 kilogramë kokainë, një sasi prej 300 gramësh LSD dhe një sasi kanabisi.

Leave A Reply

Your email address will not be published.

This site uses Akismet to reduce spam. Learn how your comment data is processed.