Pas protestave të naftëtarëve, Fieri është përfshirë nga një grup tjetër protestash. Këtë radhë janë punonjësit e repartit zjarrfikës, të cilët janë mbledhur përpara prefekturës së Fierit dhe kërkojnë pagat e prapambetura të 16 muajve.

Janë rreth 45 punonjës të repartit zjarrfikës të Kombinatit të përpunimit të thellë të naftës në Ballsh, të cilët kërkojnë pagat e tyre të prapambetura.

Kjo protestë pason protestën e naftëtarëve të Ballshit dhe Fierit, të cilët gjithashtu kanë rreth 15 rroga pa marrë, ndërsa kërkojnë edhe nisjen e punës së rafinerisë.