Përgjigjja korrekte që prindi duhet t’ia thotë fëmijës kur e pyet: Si kam lindur unë?

0

Ndonjëherë fëmijët bëjnë pyetje të cilat ju lënë pa një përgjigje, por duhet të kini shumë kujdes.

Loading...

Për fëmijët është shumë e rëndësishme që t’u kthesh përgjigje. Ata nuk duan të injorohen, gënjehen apo të tallen për shkak të naivitetit të tyre.

Kjo është arsyeja pse ne po ju sjellim përgjigjet e duhura për disa nga pyetjet e tyre më konfuze.

 

Si kam lindur unë?
Jini të ndershëm, por mos hyni në shumë detaje.
“Kur njerëzit e duan njëri-tjetrin, ata puthen dhe përqafohen, babai i jep nënës qelizat e tij, ata bashkohen dhe një fëmijë fillon të rritet në bark, ai është i vogël dhe noton si një peshk brenda barkut të nënës. Kur nuk ka më hapësirë brenda barkut të nënës sepse bebi rritet atëherë ai lind.”
Fëmijëve më të mëdhenj mund t’u tregoni për konceptet e spermës dhe qelizave të vezëve.

A mund të martohem me ty mami kur të rritem?

Pothuajse të gjithë fëmijët fillojnë të bëjnë këtë pyetje kur fillojnë së pari të ndihen të tërhequr nga gjinia e kundërt. Thjesht thoni “jo”.

Gjithkush ka rolin e tij në familje. Motra jote nuk mund të bëhet baba dhe babai yt nuk mund të bëhet gjyshe. Dhe ti nuk mund të bëhesh burri i nënës tënde. Kur të rritesh, nëna jote do të jetë tashmë e vjetër. Ti ende mund ta duash atë dhe të kujdesesh për të, por do të dëshirosh të martohesh me dikë tjetër – të re. Do ta doni njëri-tjetrin dhe do të keni fëmijët tuaj.

Përse grindeni?

Fëmijët ndihen sikur kanë faj kur prindërit e tyre grinden. Është e rëndësishme për fëmijën tuaj të kuptojë se nuk është faji i tyre.

“Njerëzit grinden, sepse ata nuk bien gjithmonë dakord me mendimet e njëri-tjetrit.” Fëmijët grinden dhe ndonjëherë dhe të rriturit, por ne gjithmonë e bëjmë, sepse e duam njëri-tjetrin.”

Përse kjo zonja është shumë e shëndoshë?

 

Mos i thoni fëmijës suaj që të pushojë, pasi kjo do të ndikonte negativisht te fëmija kur të rritet.

Të gjithë njerëzit janë të ndryshëm, njerëzit mund të jenë të gjatë, të shkurtër, të trashë dhe të hollë. Ti mund ta lëndosh dikë duke vënë në dukje dallimet e tij. Më pyet për ta më vonë, kur jemi vetëm, për t’u siguruar që nuk mërzisni asnjeri “.

Kë do më shumë: mua apo motrën?
Motrat dhe vëllezërit gjithmonë konkurrojnë për dashurinë e prindërve të tyre. Ju nuk duhet të përdorni një fëmijë si  shembull për vëllezërit dhe motrat e tij.
“Ju jeni të ndryshëm, dhe dashuria jonë për të gjithë ju shprehet në mënyra të ndryshme, por ne i duam të gjithë në mënyrë të barabartë, ashtu si edhe ti më do edhe mua, edhe babin.”

A do të më lëndojë doktori?

Shpjegojini fëmijës suaj se vizita tek mjeku është e nevojshme. Mos e quani kurrë fëmijën tuaj frikacak ose mos u tallni me të kur shikoni se ka frikë.

“Mjeku nuk dëshiron të të lëndojë. Puna e tij është të luftojë mikrobet dhe sëmundjet, mund të jetë pak e dhimbshme, por pa këtë ti nuk do ndihesh mirë. Kur unë isha e sëmurë, edhe mua doktori më bëri një gjilpërë. Isha e frikësuar, por kaloi dhe tani jam shumë mirë.”

A do të vdes unë një ditë? Po ti?
Mos gënjeni për fëmijët tuaj për vdekjen. Ata mund ta pranojnë të vërtetën.

“Njerëzit, kafshët dhe madje edhe lule të gjithë vdesin një ditë, është një ligj i natyrës. Të gjithë ata që kanë lindur, do të vdesim një ditë, por jo së shpejti. Unë do të vdes kur të bëhem e vjetër, si gjyshja dhe ti do të jesh më i rritur nga sa je tani. Ti do të kesh fëmijët e tu, ata do të rriten, ti do të bëhesh i vjetër dhe më pas do vdesësh. Por do të jetoni një jetë të mrekullueshme, plot aventura dhe zbulime “.

Përse më lë mua për të shkuar në punë?

Shpjegoni se puna juaj është diçka që duhet të bëni. Vendosni theksin në gëzimin që keni kur ktheheni në shtëpi dhe shihni njëri-tjetrin përsëri.

“Unë nuk dua të largohem nga ti, por duhet të shkoj patjetër. Puna është shumë e rëndësishme. Por mos harro se do të kthehem këtë mbrëmje dhe do të jemi kaq të lumtur kur të shikojmë njëri-tjetrin përsëri. Le të bëjmë një shkëmbim, ti merr byzylykun tim dhe unë do të marr lodrën tënde dhe ne do të ndiejmë praninë e njëri-tjetrit edhe pse jemi të ndarë”.

Pse ti lejohesh për të pirë cigare dhe unë jo?
Mos u frikësoni të pranoni se nuk jeni ideale. Është e rëndësishme që fëmija juaj të kuptojë se nuk duhet të kopjojë gjithçka që bëjnë prindërit e tij.

“Po, unë pi duhan dhe nganjëherë qëndroj deri vonë duke përdorur kompjuterin, por unë nuk dua që ti të përsërisësh gabimet e mia. Ky është zakoni im i keq nga unë do të heq dorë sepse dua të jem një person më i mirë. ”

Çfarë ndodh nëse përbindëshi poshtë krevatit tim më ha?

Merrni seriozisht frikën e fëmijës suaj dhe mësoni se si t’i ktheni gjërat e këqija në të mira.

“Më trego për përbindëshin. A e di se përbindëshat janë shumë të frikësuar nga sekretet magjike? Shiko të të tregojë një sekret: kjo nuk është vetëm një telekomadë. E shikon këtë butonin këtu? Kur ti e shtyp, çdo përbindësh zhduket. Mbaje telekomandën afër shtratit tënd.”

Loading...

Lini nje pergjigje