Armando Sadiku ndoshta është duke vuajtur mungesat e hapësirave te Legia e Varshavës në Poloni, por sulmuesi i kombëtares sonë ka treguar se është në një formë të shkëlqyer. Sulmuesi po bën paraqitje të mira në miqësoret e zhvilluara deri tani në fazën përgatitore dimërore.
Sulmuesi shqiptar ka shënuar gol edhe në miqësoren e sotme ndaj danezëve të Silkeborgut, teksa ndeshja është mbyllur me rezultatin 2-0. Sadiku është sulmuesi i parë për momentin te Legia, pasi blerja e janarit, Eduardo, u dëmtua që në ndeshjen debutuese.