Kylian Mbappe do t’i mungoj Paris Saint Germain për dy muajt e ardhshëm.
Sulmuesi francez i cili luan në formë huazimi në kryqytetin francez nga Monaco, u dëmtua pas një përplasje të fortë me portierin e Lyon, të dielën që sapo lamë pas.
Përplasja “shkaktoi” frikë në kampin e PSG-së, pasi për pak sekonda 19 vjeçari qëndroi i shtrirë në fushën e lojës.
Nga ekzaminimet e kryera nga stafi mjekësor i parisienëve, rezultoi se Mbappe rrëzikon deri në dy muaj qëndrim jashtë fushave, duke humbur kështu përballjen dyshe kundër Realit të Madridit në Champions League.