Në emisionin “Rudina” pasditen e sotme po flitet mbi vrasjen e Ariela Muratit që tronditi opinionin publik dje. Ariela Murati u qëllua me armë nga Aldison Belulaj, 23 vjeç nga Fieri.
Gazetarja e emisionit “Rudina” ka shkuar sot në fshatin Zharrës të Patosit dhe ka pyetur xhaxhain e Aldisonit lidhur me ngjarjen.
“Aldisoni dhe Ariela ishin të lidhur, që në gjimnaz. Kishin mosmarrëveshje. Po, prindërit e Aldisonit kanë shkuar ta kërkojnë dorën e Arielës, por nuk e mbaj mend se kur”, u shpreh xhaxhai i Aldisonit.
