Rreth orës 14.30 ka mbërritur në qytetin e Korçës, ministri i Jashtëm grek Nokos Kotsias.
Autokolona shoqëruese ka hyrë në qytet dhe i është drejtuar hotelit, ku do të zhvillohen bisedimet me ministrin e Jashtëm të Shqipërisë Ditmir Bushati.
Qyteti vazhdon të jetë i gjithi i mbushur me forca të shumta sigurie të mbërritura edhe nga Greqia, madje në rrugët e Korçës janë parë edhe autoblinda të policisë.
Ky takim mes dy ministrave të Jashtëm bëhet në vijim të atij të Kretës, ku u vendosën piketat për një marrëveshje të gjerë mes dy vendeve me synim zgjidhjen e problemeve të shumta që kanë pasur historikisht.