Deputetja e Lëvizjes Socialiste për Integrim, Kejdi Mehmetaj dha arsyet se pse duhet të protestohet më 27 janar. E ftuar në “360 Gradë” në Ora News, Mehmetaj u shpreh se ajo nuk është vetëm një protestë e opozitës.
“Protesta e 27 janarit nuk është një protestë thjesht e opozitës ndaj qeverisë, por është një protestë e qytetarëve për të gjithë ata që po ndodhin në Shqipërisë që po bëhet një vend i pabanueshëm. Gjithandej në institucionet që bëjnë statistika thonë se 10% jetojnë nën minimumin jetik në ditë. Protesta do të bëhet për ato nëna që nuk kanë mundësi të paguajnë shkollën e tyre. Protesta po bëhet për ata të rinj që u thuhet se të vetmen mundësi kanë që të ikin nga Shqipëria”- tha Mehmetaj.
Zt. Rama nuk është duke qeverisur. Është duke jetuar me frikën e përditshme të gabimeve.