U deportua nga Kroacia, kapet në Rinas shqiptari i dënuar për vrasje në Itali

0
124

Një shqiptar i kërkuar në të gjithë Europën është kapur në Rinas, pasi po kthehej nga Kroacia.

Burime nga policia thanë se është arrestuar Alfred Rrasa, 22 vjeç nga Shkodra.

Njoftimi i policisë për arrestimin

Policia Kufitare Rinas ndalon një të kërkuar  ndërkombëtar për vrasje

Specialistët për Hetimin e Krimeve në Komisariatin e Policisë Rinas arrestuan shtetasin Alfred Rrasa, 22 vjeç, nga Shkodra.

Ai ishte kthyer si i deportuar nga autoritetet kroate.

Nisur nga dyshimet pas krahasimit të fotove me personin dhe shpjegimeve konfuze që jepte, rezultoi se ishte shtetasi Alfred Rrasa, ndërsa të dhënat në dokumentin e kalimit ishin të vëllait të tij.

22-vjeçari ishte shpallur në kërkim ndërkombëtar pasi Gjykata e Cuneos, ne Itali, me vendim te dates 7 gusht 2017, e ka shpallur ne kërkim ndërkombëtar për veprat penale “Vrasje, e vrasje e mbetur në tentativë” dhe “Mbajtja pa leje e armëve të zjarrit”, parashikuar nga nenet 56, 110, 575 dhe 577 të Kodit Penal Italian, si dhe neneve 10-12-14 të ligjit nr. 497/74.

Maksimumi i mundshëm i dënimit “Burgim i përjetshëm”.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here