Një shpërthim me ekploziv ka ndodhur në një dyqan detergjentësh në Fushë Krujë, në afërsi të lagjes “Kastrioti”, ku bashkohet rruga kryesore Fushë Krujë-Krujë. Nga të dhënat paraprake, bëhet me dije se shpërthimi ka ndodhur në një dyqan detergjentësh në pronësi të shtetasit me iniciale E.Xh.
Madje edhe dy muaj më parë i njëjti dyqan ka qenë pre i një shpërthimi me eksploziv. Nga shpërthimi raportohet se ka vetëm dëme materiale në dyqan. Ndërkohë policia ndodhet në vendngjarje për sqarimin dhe zbardhjen e plotë të rrethanave të ngjarjes.
