Zinedine Zidane është duke u konsideruar nga Juventusi si kandidat potencial për ta zëvendësuar Massimiliano Allegrin, i cili ka mundësi të largohet gjatë verës.
Media të ndryshme kanë raportuar se Antonio Conte është i gatshëm ta braktisë Chelsean dhe të rikthehet në Itali në verë, me Allegrin si kandidat kryesor për ta zëvendësuar atë.
Po ashtu, Allegri është lidhur me një kalim edhe te PSG, Arsenal e madje edhe Real Madridi, prandaj Juventus po konsideron opsione për të ardhmen.
Sipas Corriere dello Sport, njëri prej kandidatëve për ta marrë drejtimin e Juves është edhe ish-lojtari i kësaj skuadre dhe trajneri aktual i Real Madridit, Zinedine Zidane.
Zidane e fitoi Ligën e Kampionëve dy herë radhazi në tentimet e tij të para por këtë sezon skuadra e tij është në një krizë, sidomos në La Ligë, ku ka mbetur 16 pikë mbrapa liderit Barcelonës.
