Ish-kryeministri Sali Berisha, ka publikuar dokumentin ku shihet se si tatimet po zhvarin biznesin duke vendosur gjoba dhe duke u bërë presion.
Përmes Facebook, ish-kreu i qeverisë ka denoncuar Drejtoreshën e Tatimeve, e cila duke mos respektuar asnjë ligj, bllokon bizneset, pavarësisht se çështja mm und të jetë ende në gjykim, ose gjoba mund të jetë paguar në kohë.
Për më shumë lexoni postimin e ish-Kryeministrit:
Zonë Krimi!
Ja dokumenti me të cilin Ndrikulla e Tatimeve, kushërira e Noriegës, në kundërshtim flagrant me kodin tatimor të vendit, me procedurën civile, urdhëron vartësit të vendosin shiritin e bllokimit “Zone Krimi” për 30 ditë, pavarësisht se mund të ketë paguar detyrimet, pavarësisht se mund të jetë në apelim, pavarësisht se me ligj apelimi tatimor nuk varet prej saj. Në këtë mënyrë gjobiti dhe zhvati 200 milion euro bizneseve të vendit.
Iu bëj thirrje bizneseve të kundërshtojnë me guxim këtë urdhër të kundërligjshëm të ndrikullës, që ka shpirtin më të zi se kushëriri i saj Noriega! sb
