Anije luftarake ruse në brigjet britanike

0

Një fregatë britanike shoqëroi një anije luftarake ruse përgjatë Detit të Veriut pranë ujërave britanike ditën e krishtlindjeve. Marina britanike tha se anija HMS St Albans monitori aktivitetin e Admiral Gorshkov në disa zona të interesit kombëtar.

Loading...

Rusia nuk ka komentuar situatën, por sipas marinës mbretërore ka pasur së fundmi një rritje të njësi ruse që tranzitojnë në ujërat britanike. Një terminologji diplomatike për të thënë se anijet luftarake ruse kanë nisur të afrohen dhe me raste hyjnë gjithnjë e më shpesh në territorin detar të mbretësisë së bashkuar.

Javë më parë, një nga oficerët më të lartë të ushtrisë mbretërore tha se rusia përbën një kërcënim të ri dhe serioz bndaj kabllove nënujore të komunikimit që lidhin botën. Marshalli Sir Stuart Peach, shefi i stafit të mbrojtjes, tha se Britania dhe NATO duhet të shndërrojnë në prioritet mbrojtjen e linjave të komunikimit. Marina britanike nuk ju referua fjalë të marshallit në komunikatën e saj për incidentin e fundit, por tha se nuk do të hezitojë kurrë që të mbrojë ujërat territorile nga cdo formë agresioni. Gjatë mujave të fundit inkursionet ruse në detin e veritu pranë britanisë nuk kanë munguar dhe raportet e ftohta mes dy vendeve bëjnë që këto episode të jenë plot tension.

Loading...

Lini nje pergjigje