Festat kufizojnë qarkullimin rrugor në Tiranë

0

Për shkak të trafikut të rënduar që është krijuar në këto ditë festash në kryeqytet, kryetari i Bashkisë Tiranë ka ndaluar me një urdhër të posaçëm qarkullimin e automjeteve të rënda brenda unazës së mesme dhe në disa rrugë kryesore në Tiranë.

Loading...

Behet fjalë për rrugët hyrëse në kryeqytet, ato që çojnë drejt tregjeve ku njerëzit bëjnë furnizimet e fundvitit si dhe rrugë të zonave të njohura për argëtim.

Mjetet e tonazhit të rëndë e kanë të ndaluar të qarkullojnë nga ora 07:00 deri në orën 22:00 duke filluar nga kjo e shtunë deri në datën 1 janar të vitit 2018.

Gjithashtu kryetari i Bashkisë Erion Veliaj ka pezulluar edhe lejet që jepeshin nga vetë bashkia për qarkullimin e automjeteve për transportin e mallrave apo të kërkuar nga kantiere të ndryshme ndërtimi qofshin këto private apo shtetërore.

Organizimi i aktiviteteve të ndryshme festive gjatë këtyre ditëve ka rritur ndjeshëm numrin e vizitorëve dhe po kështu edhe të automjeteve që vijnë nga qytete të tjera për t’u argëtuar në Tiranë. Sipas bashkisë kjo ka rënduar së tepërmi qarkullimin.

Loading...

Lini nje pergjigje