Kreu demokrat Lulzim Basha ka pasur disa takime me diplomatë të akredituar në Tiranë vetëm dy ditë pas protestës së zhvilluar të hënën, ku në Kuvendin e Shqipërisë me votat e socialistëve dhe me një proçes të kontestuar nga opozita, u zgjodh Arta Marku në postin e Kryeprokurores së përkohshme.
Takimet e Bashës me Ambasadorët nisën me Donald Lu, në të cilin u diskutua mbi situatën më të fundit politike në vend.
Në vijim Basha takoi ambasadorët e Gjermanisë, Italisë dhe Greqisë, ndërsa u aludua mbi mungesën e Ambasadores së BE-së, Romana Vlahutin, se nuk ishte ftuar në takim.
Burime diplomatike bënë të ditur për Syri.net se Vlahutin nuk ishte prezent në takim me kreun e PD-së për shkak se ajo nuk ndodhet në Shqipëri, pasi ka udhëtuar drejt Kroacisë për festën e Krishtlindjeve.
Mësohet se Vlahutin prej fundjavës së kaluar ndodhet në Zagreb pranë familjes së saj.