Është ndërprerë për disa minuta seanca plenare, pasi Garda e Republikës në mënyrë skandaloze ka penguar duke shtyrë ish-kryeministrin Sali Berisha.
Ky i fundit po shkonte në foltore kur është ndaluar nga Garda. Ai është shoqëruar edhe nga deputeti Flamur Noka dhe aty ka ndodhur edhe përplasja.
Menjëherë janë ndërprerë punimet, ndërsa mësohet se përplasja ka vazhduar edhe më pas. Pas rinisjes së seancës, ish-kryeministri Berisha e cilësoi skandaloze këtë veprim, pasi siç argumentoi, i ishte dhënë më herët e drejta e fjalimit.
