Lulzim Basha mblodhi fillimisht krerët e Partisë Demokratike në rrethe e më pas grupin parlamentar të kësaj partie për të diskutuar për protestën e paralajmëruar ditën e hënë para sallës së seancave plenare të Kuvendit.
Në fjalën e mbajtur para deputetëve demokratë, Lulzim Basha e cilësoi hapin e mazhorancës për të zgjedhur kryeprokurorin e ri të përgjithshëm si aktin më antikushtetues në 27 vite demokraci që ka parë vendi.
“Kushtetuta është i vetmi dokument që ndan paqen nga lufta, diktaturën nga demokracia”, tha Basha Kryedemokrati e quajti vetëvrasës për mazhorancën dhe Kryeministrin Rama miratimin e kryeprokurorit.
“Rama le ta miratojë prokurorin, sepse një thikë vetes po i fut! Po bën harakiri. Nëse narkoqeveria merr në dorë prokurorinë, është asgjësim total i reformës në drejtësi”, vijoi Basha.
Basha deklaron se protesta e së hënës do të tregojë nësë opozita është fasadë apo jo.
