Kryetarja e Lëvizjes socialiste për Integrim, Monika Kryemadhi e ka cilësuar 8 dhjetorin si një ditë të madhe për Shqipërinë.
Përmes një mesazhi në Facebook, Kryemadhi thekson se 8 dhjetori ishte shkëndija e parë në një qiell të errësuar.
Ndërsa shton se edhe sot sytë dhe zemra janë te të rinjtë.
Ja postimi i Kryemadhit:
8 Dhjetori është një ditë e madhe!
Data 8 Dhjetor ishte shkëndija e parë në qiellin e errësuar të shoqërisë shqiptare.
Ishin të rinjtë ata të cilët me fuqinë e ëndrrave të tyre, nën thirrjet “E duam Shqipërinë si gjithë Evropa”, besuan dhe mundën të thyenin vargonjtë e frikës për të jetuar në një Shqipëri të lirë.
Sot sytë dhe zemra përsëri janë te të rinjtë!
Tek ata kërkojmë frymëzimin për të punuar e jetuar demokracinë dhe lirinë e ëndërruar në tokën amë!