Presidenti Ilir Meta ka zhvilluar një takim me ish kryeministrin e Italisë, Romano Prodi. Dy zyrtarët kanë diskutuar për marrëdhëniet mes dy vendeve si dhe për procesin e integrimit të Shqipërisë. Presidenti Meta e ka konsideruar si të drejtë propozimin e Romano Prodit për të ndërtuar një simbol të turizmit shqiptar.
“Një mëngjes pune me mikun e shqiptarëve, profesor Romano Prodin, me të cilin diskutuam për marrëdhëniet e shkëlqyera mes dy vendeve tona e të ardhmen europiane të Shqipërisë.
I drejtë propozimi i mikut tonë për të ndërtuar një simbol të turizmit shqiptar, që do promovonte edhe më fuqishëm rritjen cilësore të turizmit e përfitimeve”- shkruan presidenti Meta në Facebook.
