Moti i keq dhe me shira ka krijuar probleme edhe në Lezhë, kryesisht me mungesën e energjisë elektrike. Fshatra janë më të prekurit nga kjo situatë që ka nisur që sot paradite.
Si pasojë e defekteve të krijuara kanë mbetur pa energji elektrike disa zona si: Barbulloja, Rrila, Torovica, Zadrima, zona e Kallmetit dhe ajo Ungrejit.
Linja e tensionit të mesëm që furnizon fshatrat Torovicë, Malecaj e Kolëjakaj ka pësuar dëme të konsiderueshme duke vështërsuar furnizimin me energji të zonës edhe në ditët në vazhdim.
OSSHEE ka bërë të ditur se furnizimi me energji i hodrovprëve vijon pa ndërprerje dhe ato janë në punë me kapacitet të plotë.
Ekipet e riparimeve të defekteve vijojnë të jenë në terren, por nuk po favorizohen aspak nga moti që vijon të përkeqsohet dhe të vështërsojë ndërhyrjen e elektriçistëve në terren.