Këngëtarja Adelina Ismajli është ndër më të pëlqyerat nga publiku shqiptar, sa prej zërit të saj edhe prej pamjes.
Në një intervistë për emisionin “Thumb”, Adelina Ismaili ka treguar për herë të parë se si ka kapur mat një politikan të njohur duke vjedhur lekët e këngëtarëve.
Ajo ka treguar se kur ka qenë 14 vjeçe, është futur në banjon e meshkujve, në koncert.
“Kam kapur organizatorin e koncertit, i cili tani është figurë politike, por që s’mund t’ia përmend emrin, e kam zënë me gjithë pagesat e këngëtarëve dhe shpenzimet, me një qese duke ikur nga dritarja. U frikësova se mendova po bënte vetëvrasje dhe e kapa prej këmbe, e rrëzova në tokë duke i thënë ‘Jo, mos e vrit veten”, ka treguar këngëtarja.
Ajo shtoi më tej se më pas kolegët e kanë rrahur shumë keq pasi e kuptuan se çfarë ishte duke bërë.
