Shkencëtarët po akuzojnë industrinë e alkoolit se ka përhapur informacion të pasaktë për lidhjen mes alkoolit dhe kancerit. Studiuesit në Shkollën e Londrës për Higjenën dhe Mjekësinë Tropikale i kanë krahasuar veprimet e industrisë së alkoolit me përpjekjet që bëri industria e duhanit për të mohuar lidhjet mes pirjes së duhanit dhe kancerit në mushkëri.
Studiuesit analizuan informacionin e përfshirë në faqet e internetit të 28 organizatave në botë, që përfaqësojnë interesat e industrisë së alkoolit dhe arritën në përfundimin se shumica e tyre shtrembërojnë ose keqinterpretojnë provat për rrezikun që sjell alkooli për kancer, shkruan VOA.