Vihen në pranga 2 persona autorë e vrasjes me armë zjarri të personi me inicialet Genc Mëhillaj ndodhur 1 vit më parë në fshatin Mali i Jushit në Shkodër
Gjatë orëve të para të mëngjesit të sotëm strukturat e Sektorit për Krimet e Rënda të Drejtorisë Vendore të Policisë Lezhë në bashkëpunim me FNSH-në Tiranë, pas një pune të mirëorganizuar, bazuar në informacione të marra në rrugë policore, kanë finalizuar me sukses operacionin e koduar ” One Year ”
Si rezultat i tij, u bë i mundur lokalizimi dhe kapja e 2 personave të shpallur në kërkim:
Lin Mujeci, 38 vjeç, banues në Torovicë – Lezhë
Kreshnik Mujeci , 30 vjeç , banues në Torovicë – Lezhë
Këta 2 vëllezër, dyshohen si autor të vrasjes së Genc Mëhillaj ngjarje e ndodhur me datë 06.10.2016, në fshatin Mali i Jushit në Shkodër .
Për këta persona Prokuroria e Shkodrës ka lëshuar urdhër ndalimi për veprat penale “vrasje me paramendim kryer në bashkëpunim”, “prodhim dhe mbajtje pa leje e armëve luftarake dhe municionit”.
Për kryerje të veprimeve të mëtejshme procedurale këta persona iu vunë në dispozicion strukturave të Drejtorisë Vendore të Policisë Shkodër.