Tetori është caktuar si muaji i ndërgjegjësimit për kancerin e gjirit në të gjithë botën, për të rritur vëmendjen dhe mbështetjen për sensibilizimin, zbulimin e hershëm, trajtimin, si dhe kujdesin paliativ të kësaj sëmundjeje.
Ai organizohet çdo vit dhe synon të shpërndajë informacion në lidhje me shëndetin e gjirit, si dhe të rrisë ndërgjegjësimin për parandalimin dhe zbulimin e hershëm të kancerit të gjirit te gratë dhe vajzat në të gjithë globin.
Edhe ish-kryeministri Sali Berisha është sensibilizuar në kuadër të kësaj nisme, që synon të rritë ndërgjegjësimin e grave për diagnostikimin në kohë të sëmundjes.
Në një komunikimin me mediat para godinës së Parlementit, u shfaq me fjongon rozë në xhaketën e tij, simbol i sensibilizimit ndaj kësaj sëmundje.
