“Turizëm i zi”/ Vlora mban rekord, 11 kanale të hapura posaçërisht për ujërat e zeza  

0
1392

 

Menaxhimi ujërave të përdorura bëhet vetëm për bllokun e pallateve të brezit të pare dhe të dytë, projekt i cili është që në 2008, por për pjesën tjetër të shtëpive private ujërat e përdorua derdhen në det, me kanalet që janë hapur përgjatë lungomares

Anesti Barjamemaj

 Sezoni turistik për vitin që lamë pas, u cilësua si i suksesshëm pasi pati një dyndje të turistëve në të gjithë vijën bregdetare. Të gjithë operatorët turistik në fund të sezonin shpreheshin se ky ishte një vit shumë i mirë. Por edhe pse pati dyndje turistësh, sërish nuk munguan problemet e shumta. Infrastruktura, shërbimi, mirësjellja, kapacitett, cilësia e rërës dhe e detit. Të gjitha këto probleme janë shumë pak përpara një problemi shumë të madh që është derdhja e ujërave të zeza në det. Pothuajse në të gjithë Shqipërinë ujërat e ndotura derdhen në det, dhe në shumë raste me vetëdije të plotë nga institucionet. Vlora është një ndër qytetet e cila ka një pazh shumë të ndotur dhe që i lejon vet derdhjen e ujërave të zeza. Të gjithë do të habiten në këtë fakt, pasi shohin shëtitoren e re e cila ka sistemuar pak pjesën e rrugës, por sërish nuk ka arritur që të sistemoj ujërat e zeza.  Këtë verë qyteti i Vlorës u bë më në fund me shëtitore, e cila ka kushtuar miliona euro, ku qytetarët dhe turistët mund ta përdorin për tu qetësuar. Beton më shumicë, pemë, korsi biçikletash dhe sheshe për të luajtur fëmijët, kjo është pamja e Lungomares në Vlorë. Edhe pse në pamjet e projektit ishte shumë ndryshe, përsëri pas shumë vitesh u arrit që të mbyllej. Por përveç pamjes së “bukur në sipërfaqe, nëntoka e kësaj shëtitoreje bart një sërë problemesh. Ujërat e zeza (ujërat e përdorua), që kanë qenë janë ende një problem madhor i çdo qyteti nuk zgjidhën as me këtë projekt. Edhe pse duhej që të gjitha kanalizimet e ujërave të ndotura të mblidheshin në një kolektor dhe më pas të dërgoheshin në impiantin e përpunimit në pyllin e Sodës, kjo gjë nuk ndodhi. Gjatë një vizite në këtë qytet dhe takimeve më shumë njerëz por dhe nga ajo çfarë pamë vetë, dukej se Vlora ka një problem shumë të madh me ujërat e ndotura. Ky problem tregon që Lungomare është bërë për vetëm për shoë nga qeveria dhe ka injoruar të gjithë problematikat e tjera, ky projekt është vetëm fasadë dhe çdo gjë tjetër ka kalaur në plan të dytë. Sipas informacioneve që na dhanë qytetarët dhe vëzhgimit, në Vlorë ka 8 deri në 10 kanale që janë të hapur në sipërfaqen e rërës dhe shumë të tjera të mbuluara. “Shkarkimet në det janë më 8 deri në 10 kanale, që mbledhin ujërat e shiut dhe ujërat e përdorura, nga shtëpitë private që janë në kodrat e qytetit të Vlorës në pjesën lindore të tij”, na tha një qytetar. Po ashtu mësohet se menaxhimi ujërave të përdorura bëhet vetëm për bllokun e pallateve të brezit të pare dhe të dytë, projekt i cili është që në 2008, por për pjesën tjetër të shtëpive private ujërat e përdorua derdhen në det, me kanalet që janë hapur përgjatë “Lungomares”. Projekti i Lungomares që dukej si shpëtim nga qytetaret, është bërë e keqja më e madhe, pasi nuk ka zgjidhur asnjë problematik.  Kjo situatë bën që plazhet e Vlorës të jenë të gjitha të ndotura pasi nuk kanë menaxhim të ujërave të përdorura dhe raportet që dalin nga institucionet në shumë raste nuk janë shumë të vërteta. Por edhe pse pjesa më e madhe e ujërave të zeza derdhet në det, në Vlorë ekzistojnë dy impiante të mbledhjes së ujërave të përdorura i vjetri, i cili nuk është funksional në përmirësimin e cilësisë së ujit, por vetëm e mbledh dhe e hedh përsëri në det që nuk bën asnjë ndryshim. Dhe i riu i cili ka filluar pjesërisht funksionimin e tij por përsëri nuk është në kapacitet të plotë, pasi pjesa e dytë nuk është në funksion. Këto dy impiante që ndodhen në pyllin e Sodës nuk kanë një lidhje me njëra tjetrën dhe bëjnë që problemi të jetë prezent.

 

Absurditeti

 

Por problemi më ujërat e zeza në Vlorë ka pikëpyetje  të madhe dhe shumë absurditete. Historia e keqmenaxhimit të këtij problemi ka shumë vite që është prezentë. Që në kohën kur nuk kishte filluar projekti i shëtitores së re, ujërat e zeza nëpërmjet kanaleve derdheshin me vetëdije të plotë në det. Por kur nisi projekti përsëri për këtë problem nuk u bë asgjë. Projekti i kësaj shëtitoreje ka filluar në një kohë shumë të afërt me projektin e impiantit të menaxhimit të ujërave të zeza. Por sërish nuk u bë asnjë përpjekje që të shtoheshin kanalet e grumbullimit të ujërave të zeza. Në Vlorë sipas informacioneve menaxhohen vetën ujërat e pallateve që janë afër qyteti dhe kanë një kohë të gjatë që janë ndërtuar. Për sa i përket  lagjeve që janë ndërtuar në kodra, nuk ka asnjë menaxhim, por derdhen në det.  Por një gjë tjetër që është përsëri absurde është se ky problem praktikisht nuk mund të rregullohet më. Duhet që të prishet i gjithë betoni i “Lungomares” për të futur në rrjet dhe ujin e shtëpive që janë në kodrat e qytetit, praktikisht një gjë e pamundur.

 

Turizmi mbi ujëra të zeza

 

Por një problem tjetër që bart shëtitorja e re e Vlorës është dhe frekuentimi i turistëve, të cilët edhe pse shohin tabelën se plazhi është i ndotur përsëri e frekuentojnë. Por kjo gjë është nxitur edhe nga bashkia e cila plazhin e ndotur e jep me qera për subjektet private, të cilat më pas vendosin çadra dhe shezlong për turistët. Gjatë verës është vënë re se shumë njerëz kanë frekuentuar zona të cilat janë të njohura si të ndotura, dhe duken shumë mirë që janë të tilla. Nga fotot që do ju tregojmë shihet qartë që ujërat e zeza janë mëse të dukshme nga të gjithë kalimtarët dhe më nga ata që preferojnë që të bëjnë plazh në ato vende. Duket shumë qartë që kanali me ujëra të zeza, vijnë nga poshtë rrugës dhe derdhen sikur në det sikur të ishte vendi i tyre. Kjo gjë shihet dhe nga bashkia e cila nuk bën zë për këtë problem, por e lë vetë që të përhapej sa më shumë në të gjithë qytetin. Kjo gjë duket se është bërë me vetëdije të plotë se mund të zgjidhej me projektin e shëtitores së re, por kjo gjë nuk ndodhi. Nuk dihet pse bashkia Vlorë nuk ka menduar për këtë pjesë, apo i është dukur si e pa rëndësishme. Kjo tregon që në të ardhmën deti do të bëhet një moçal dhe nuk do të jetë më i frekuentueshëm nga asnjë turist. Kjo do të sjell një vdekje të turizmit në Vlorë, nëse nuk merren masa sa më shpjet. Nuk dihet se kur do të reagoj bashkia për këtë pjesë, pasi është një problem që prek jo vetëm qytetarët e Vlorës, por dhe turistët që e frekuentojnë këtë hapësirë detare.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here