Raporti i OKB: Shqipëria vendi me riskun më të lartë në Evropë për fatkeqësitë natyrore

0

Gjatë dy muajve të ardhshëm, vendi ynë nuk pritet të përfshihet nga reshje të forta shiu. Dhe duket se kjo është shpresa e vetme që Shqipëria të mos përfshihet sërish nga përmbytje masive që përsëriten gati çdo vit.

Loading...

Kreu i Emergjencave Civile, Shemsi Prençi thotë se 23 bashki në vend ende nuk e kanë marrë masa për pastrimin e sistemit të kanalizimeve të paktën.

Emergjencat Civile thonë se në disa zona janë kryer investime, por ka ende shumë punë për të bërë. Kombet e Bashkuara ngrenë alarmin se Shqipëria, për tre vite me radhë është vendi më i rrezikuar në Evropë, përsa u përket fatkeqësive të natyrës.

Një raport i publikuar nga ekspertë të Kombeve të Bashkuara thotë se Shqipëria është me riskun më të lartë në kontinent për shkak të fatkeqësive të natyrës, ku futen përmbytjet, zjarret, cënueshmëria e territorit, vërshimi lumenjve të llogaritura këto sëbashku me kapacitetet reaguese që ka vendi ynë, për të menaxhuar këto situata.

Raporti u bë publik nga OSBE gjatë një takimi me Emergjencat Civile të vendit tonë, drejtorët e Emergjencave Civile të vendeve të BE dhe SHBA prefektët dhe kryetarët e bashkive dhe në analizë të raportit janë marrë 171 vende të ndryshme të botës. /Klan+

Loading...

Lini nje pergjigje