Një ngjarje e rëndë ka ndodhur pasditen e sotme në qytetin e Durrësit, ku 3 fëmijë të mitur rreth 3 vjeç janë djegur brenda në një banesë e cila është përfshirë nga zjarri.
Mësohet se ngjarja ka ndodhur në Rromanat në banesën private të shtetasit G.K., ndërsa fëmijët ishin trinjakë dhe të 3 meshkuj.
“BalkanWeb” mëson se prindërit e fëmijëve nuk ishin në banesë kur ka ndodhur ngjarja. Nuk dihen ende shkaqet dhe motivet e zjarrit në banesë, ndërsa në vendngjarje ka mbërritur zjarrfikësja dhe policia.