Prishja e marrëveshjes Bërthamore, kërcënon presidenti iranian

0

Presidenti i Iranit, Hassan Rouhani, ka thënë sot se Amerika do të paguajë një çmim shumë të lartë nëse presidenti Donald Trump i përmbush kërcënimet për ta prishur marrëveshjen bërthamore të Iranit.

Në një intervistë ekskluzive për CNN në Nju Jorik, Rouhani ka thënë: “Dalja nga një marrëveshje e tillë do të bartte një çmim të lartë për Shtetet e Bashkuara të Amerikës dhe unë nuk besoj se amerikanët janë të gatshëm të paguajnë një çmim kaq të lartë për diçka që do të jetë e padobishme për ta”.

Rouhani ka shtuar se një veprim i tillë nga Administrata Trump nuk do të prodhojë rezultat për Shtetet e Bashkuara por në të njëjtën kohë do ta ulë, do ta largojë dhe do ta copëtojë besimin ndërkombëtar në Shtetet e Bashkuara të Amerikës.

SHBA-ja i zgjeroi lehtësimin e sanksioneve për Iranin javën e kaluar si pjesë e marrëveshjes bërthamore nga vitit 2015, të cilën Trump e ka përshkruar si marrëveshjen më të keqe ndonjëherë.

Testi i vërtetë vjen në muajin tetor kur Trump do të vendosë nëse ta vërtetojë se Irani është duke iu bindur marrëveshjes, e njohur si Plani i Përbashkët dhe Gjithëpërfshirës i Veprimit (JCPOA).

Nëse s’e bën, atëherë Kongresi Amerikan do t’i ketë 60 ditë për të vendosur nëse për rivendosje ose jo të sanksioneve ndaj Iranit.

Lini nje pergjigje