U kapën me 3 mina me celular, zbardhet përgjimi që i tradhtoi dy të rinjtë (VIDEO)

0
135

Gjykata e Tiranës caktoi masën e sigurisë “arrest në burg” për Eraldo Katroshi e Jurgen Muho, të arrestuar si porositës e transportues i tre minave me celular nga Elbasani në kryeqytet. Prova më e fortë e prokurorisë është një përgjim ambiental i një bisede mes tyre në Komisariatin nr.6, ku kërkojnë të mbrojnë personin që siguroi minat.

“Të mos e ngatërrojmë me këtë muhabet dhe të mos i përmendin emrin”. Përgjimi ambiental i kësaj bisede të shkëmbyer në qelitë e paraburgimit të Komisariatit nr.6 në Tiranë ka fundosur të rinjtë Jurgen Muho dhe Eraldo Katroshi, 23 dhe 19 vjeç.

Ata u arrestuan të martën pas gjetjes së tre minave me celular në bagazhin e mjeti të drejtuar nga Muho. Transkipti i përgjimit u paraqit si provë nga prokuroria në seancat gjyqësore për caktimin e masës së sigurisë për ta, zhvilluar paraditen e së shtunës në Gjykatën e Tiranës.

Prokurori i tha gjykatës se në komunikimin e përgjuar Jurgen Muho pranon se është porositur nga Eraldo Katroshi për transportin e minave nga Elbasani në Tiranë. Në vijim ata shprehen se duhet të mbronin personin e tretë. Ky i fundit, vijoi prokurori, është një person ende i paidentifikuar në qytetin e Elbasanit, tek i cili janë marrë minat sekuestruara nga policia.

http://www.dailymotion.com/video/x60ldj7

Web Agency, Digital Agency, Web Development Agency

LEAVE A REPLY

Please enter your comment!
Please enter your name here