Ish-kryeministri Sali Berisha ka publikuar sot dy lajme që flasin për Unazën e Madhe të Tiranës, një e vitit 2017 dhe tjetra e marsit të 2011-ës.
Në shtator të 2017 lajmi flet për hapjen e Unazës së Madhe nga kreu i Bashkisë së Tiranës Erion Veliaj me praninë e ministrit Pandeli Majko.
Ndërkaq, lajmi i 2011 bën fjalë për një protestë të qytetarëve dhe deputetëve të PS-së kundër prishjes së kopshtit botanik për hapjen e Unazës së Madhe. Berisha e quan këtë dyfytyrësi.
“Kontributi dhe dyfytyrësia e PS me Unazën e Madhe të Tiranës, projekt i PD që filloi në 2011!”, shkruan ish-kryeministri.
Ndërsa në foton e publikuar ka një tjetër shënim.
“Vihet në hall edhe militanti i PS: a të besojë Veliaj dhe Majko në 2017 kur thonë se Unaza e Madhe është segment tepër i rëndësishëm apo të besojë Shalësin dhe Baren që protestonin kundër Unazës së Madhe në 2011”.