I janë qepur Skënderbeut si Skënderbeu turqve!
——————-
Ore jam në ëndërr unë!
Meqë Rama shpalli vitin e Skënderbeut, kritikët e Ramës i janë qepur Skënderbeut si Skenderbeu turqve!
Ore mos jam në ëndërr!
More, pyes, “një pemë” përpara sesa të shpikeshin numrat sigurisht ishte pemë, por a ishte “një”?
Kombi përpara sesa të formohej, a ekzistonte ai dhe a mund të thoshte dikush se i takonte këtij apo atij kombi sikurse e kuptojmë ne sot?
A do të rreshtim së shtriri të sotmen drejt së kaluarës dhe drejt së ardhmes në një dimension ideologjik në fakt pa kohë, pra pa disruption, që gjithçka e mbulon me formula të gatshme universale ?
Do bëjmë histori, apo ideologji ?
Ore e dinë këta që Mesjeta nis që pas rënies të Romës dhe ka brenda saj etapa që dallojnë nga njera tjetra sa vetëm gjuha joprofesionale i përmbledh dhe u thotë thotë : Mesjeta!
A ka ndonjë filozof të historisë gjëkundi se specialistë të grqishtes së lashtë të latinishtes nuk kemi?
Ore vërtet e kanë këta se në Mesjetë shqiptarët dhe serbët jetonin në symbiozë, osmozë, bruçelozë apo ku e di unë.
Cilët shqiptarë në Mesjetë, arvanitasit, arbëreshët, lebërit, muzakajt ?
Ore ka metodologji historike në këtë vend apo jo?
Apo “fajin e kishte Saliu!” dhe tani “e ka Rama”!
Kritikoni Ramën, Berishën, Nanon, se është inherente me demokracinë,
por lëreni Skenderin rehat!
Mos përfitoni se nuk është gjallë dhe nuk iu përgjigjet dot si dinte ai!
Se kêshtu jemi ne, edhe kur Dritëroi ishte gjallë asnjë nuk e shante, sapo ndërroi jetë, as tri ditë pritën por i hodhën baltë!
Nuk përgjigjet dot i vdekuri!
Aman të fillojë parlamenti nesër që së paku të dëgjojmë e lexojmë qyfyre parlamentare se kështu pa lajme, na ka ardhur shpirti në majë të hundës nga psikologia e gazetë Sun, dhe uroj që Skënderbeu të durojë deri nesër se mos nis i jep yzengjive të kalit dhe ikën andej nga është nisur, drejt larg nga Veriu, te vendlindja e së Ëmës !
