Një zjarr me përmasa të mëdha ka rënë pasditen e sotme në kurorën e gjelbër të Laçit duke rrezikuar disa banesa, linjën e interkonjeksionit dhe Kishën Shën Ndout.
Ndonëse për shuarjen e tij u angazhuan menjëherë 3 ekipe zjarrfikëse, si dhe 40 forca ushtarake, të mbështetura me helikopterë nga ajri, situata është përkeqësuar.
Raportohet se flakët po përhapen me shpejtësi dhe kanë përfshirë një banesë, ndërsa rrezikojnë edhe disa të tjera.
Në një video të siguruar nga BalkanWeb, duken qartë përmasat e zjarrit dhe puna e tre ekipeve për shuarjen e tij.
