Gjykata e Tiranës caktoi mesditën e së enjtes masën e sigurisë “arrest me burg” për Eugen Bitrajn, i riun që vrau me thikë 22-vjeçarin Marvi Mihali për një karikues celulari. Nderkohe babai i tij ka dhene nje deklarate te papritur ne gjykaten e Tiranes teksa zhvillohej seanca gjyqesore duke folur edhe per “ctensionimin e situates mes dy familjeve”.
Në seancen e sotme se bashku me Bitrajn, gjykata la në arrest me burg edhe djalin e xhaxhait të tij, Dejvi Bitrajn, si dhe dy shokët e tjerë Kridens dhe Marsel Alla.
Gjatë seancës për vlerësimin e masës bëhet e ditur se autori i këtij krimi, Eugen Bitraj ka pranuar autorësinë e vrasjes por nuk ka dhënë shumë shpjegime.
Tre personat e tjerë akuzohen si bashkëpunëtorë në vrasje pasi janë përleshur fizikisht me viktimën.
Ndërsa zhvillohej senaca, babai i Eugen Bitrajt i ka shprehur ngushëllimet e tij familjes Mihali dhe është lutur nëpërmjet mediave për të çtensionuar situatën mes dy familjeve.
“Ngushëllime familjes Mihali. Jam prind dhe i shpreh keqardhjen nënës, babës dhe të tjerëve. I tham asaj familjeje që kalamajtë tanë bënë një gjest shumë të keq. Ne nuk kemi mundësi të takohemi, por situata është shumë e nxehtë. Por jemi gati të marrim masa që të ruajmë qetësinë”, ka thënë Bitraj.
