Një model reçipetesh i konceptuar nga meksikani 18-vjeçar Julián Ríos Cantú, bën të mundur zbulimin e kancerit të gjirit në fazë relativisht të hershme.
“Kur isha 13 vjeç nëna ime u diagnostikua me kancer të gjirit për të dytën herë. Përmasat e tumorit që ishin sa një kokërr orizi në fillim u bënë sa një top golfi në më pak se 6 muaj. Nëna ime u diagnostokua shumë vonë kur sëmudja ishte në fazë të avancuar dhe humbi të dy gjinjtë e pothuaj edhe jetën”, tha i riu meksikan gjatë prezantimit të shpikjes së tij përmes një videoje.
Kjo ishte një traumë që e shtyu adoleshentin, aktualisht 18 vjeç, të konceptonte modelin e reçipetave “Eva”, që e detekton sëmundjen në një fazë relativisht të hershme.
Në moshën 17 vjeç, së bashku me tre shokë, Julian krijoi kompaninë Higia Technologies, e cila prodhon këtë linjë reçipetash.
Shpikja e tij fitoi më 29 prill Çmimin Botëror të Sipërmarrjes për Studentët (Global Student Entrepreneur Awards) në një konkurs ku merrnin pjesë 56 sipërmarrës nga vende të ndryshme të botës.
Për të detektuar tumorët,”‘Eva” përdor receptorët e prekjes të lidhur në një monitor që analizon përbërjen, ngjyrën dhe temperaturën e gjinjëve. Kjo shpikje do të përdoret kryesisht nga femrat që janë të predispozuara të preken nga kanceri. Ky model veshjeje e brendshme që ekziston për momentin vetëm si prototip do të jetë në përdorim pas dy vjeteësh.
Sipas Shoqatës Amerikane të Kancerit, 41 070 gra vdesin çdo vit ne SHBA nga kanceri i gjirit./atsh
