Kukësit i duhet një fitore sot ndaj Sherif, për të vazhduar më tej në Ligën e Kampioneve. Për të përmbysur humbjen 1-0 të ndeshjes së parë, trajneri Gjoka ka hedhur në fushën e lojës një formacion ku nga minuta e parë në fushë do të luajnë përkrah njëri-tjetrit tre sulmues.
Pejiç do të formojë dyshen e zakonshme të sulmit me Eminin, i cili kthehet në formacionin titullar. Ndërsa Guri, edhe pse një sulmues i mirëfilltë, do të luajë ashtu si në duelin e javës së kaluar në krahun e djathtë të mesfushës, duke fituar balotazhin me Kariokën.
Kukësi-Sherif 19:30
Kukësi: Koliqi, Shameti, Serran, Hallaçi, Rrumbullaku, Musolli, Lena, Guri, Kale, Emini, Pejiç.
Trajner: Ernest Gjoka
Sherif: Mikuliç, Raku, Posmac, Sushiç, Badibanga, Leite, Anton, De Noijer, Brezovec, Mugosha, Bajala.
Trajner: Roberto Bordin
Gjyqtar: Irfan Peljto (Bosnjë-Hercegovinë)
