Zëvendëskryeministrja Ledina Mandija, në cilësinë e drejtueses së Task Forcës për zgjedhjet parlamentare 2017, zhvilloi takim me kërkesën e tij me Claus Neukirch, përfaqësues në Shqipëri i Këshillit të Evropës. Një takim i tillë u mbajt edhe një ditë më parë me Jan Rudolph, zëvendës drejtues i Delegacionit të BE dhe Robert Adams, Ekspert për Zgjedhjet.
Zëvendëskryeministrja Mandija i njohu me punën paraprake të zhvilluar në këtë kuadër dhe sqaroi se po punohet me objektivitet për të evidentuar të gjitha rastet e shkeljeve të identifikuara gjatë fushatës zgjedhore dhe ditën e zgjedhjeve, duke iu referuar informacionit dhe raportimit të bërë nga Ministritë dhe institucionet, përcjellë në datë 10 Korrik 2017, ndërkohë që disa nga ministritë kanë dështuar të sjellin këtë raport monitorimi.