Sektori i Krimeve të Rënda Elbasan, në bashkëpunim me Prokurorinë e Rrethit Gjyqësor Elbasan dhe në bashkëpunim me Shërbimet e Kontrollit të Brendshëm të Drejtorisë së Burgjeve, bënë ndalimin e 4 efektivëve të Drejtorisë së Përgjithshme të Burgjeve Tiranë:
Viktor Kalemi, 49 vjeç
Gëzim Muka, 44 vjeç
Adriatik Allushi, 56 vjeç
Pali Bushgjokaj, 56 vjeç, të katërt banues në Tiranë.
Këta shtetas duke qenë me detyrë në ruajtjen e personave të dëmtuar në spital lidhur me ngjarjen e datës 07.04.2017 dyshohen të kenë shpërdoruar detyrën duke lejuar futjen e sendeve të kundraligjshme.
Këta shtetas, u ndaluan pasi, Gjykata e Rrethit Gjyqësor Elbasan me vendim penal më datë 22.06.2017, ka caktuar masën e sigurisë “Arrest me burg” për veprën penale “Shpërdorimi i detyrës” parashikuar nga neni 248 i Kodit Penal.
