Këngëtarja me origjinë shqiptare dhe me famë botërore, Rita Ora ka reaguar pas zjarri masiv që përfshiu një ndërtesë 27 katëshe në perëndim të Londrës, ku humbën jetën 7 persona dhe 50 të tjerë mbetën të plagosur.
Përmes një statusi në ‘Instagram’, Rita Ora shkruan se zona ku ra zjarri është lagjja ku ajo jeton duke shprehur trishtim dhe ofruar ndihmë për personat në nevojë.
“Kjo është lagjja ime, nuk mund të besoj se kjo po ndodh. Lutjet e mia janë me të gjithë të përfshirët, zemra ime po rreh aq shpejt. Kam luajtur në atë bllok. Unë dua të bëj gjithçka për të ndihmuar”-ka shkruar këngëtarja në postimin e saj.