“Luftë” e ashpër mes dy kampeve politike, PS-LSI. Kështu, kryetari i LSI-së, Petrit Vasili me anë të një statusi të shkurtër në ‘Facebook’ ka postuar një mesazh-rimë, ndërsa nuk kursen kunjat për aleatin në qeveri, PS-në.
“As timon e as tepsi, të parët me qetësi, dashuri e pa xhelozi për këtë rini.”, shkruan Vasili në profilin e tij, ndërsa shihet se ka qenë pjesë e emisionit ‘Fiks Fare’. Vasili ka kujtuar sërish shprehjen e ish-liderit të LSI, Ilir Meta, “Me qetësi dhe dashuri”. Dita e sotme është karakterizuar nga deklarata me gjuhë të ashpër nga LSI-ja në drejtim të kryeministrit Rama, ndërsa shigjeta u ndal edhe tek ish-ministri i Brendshëm, Saimir Tahiri.