Kohët e fundit sulmet, akuzat dhe kritikat e Partia Socialiste ndaj aleatit LSI kanë qenë jo të pakta. Duke nisur nga batutat e Ramës që flet për “makinë me 1 timonë” e deri tek qëndrimet e drejtpërdrejta kundër të Saimir Tahirit e Ditmir Bushatit, vërehet se tanimë PS ka harruar aleatin e saj dhe po kërkon pushtet e vetme. Por nga të gjithë socialistët, më i moderuari ndaj aleatit LSI duket kryebashkiaku Erjon Veliaj, i cili në këtë fushatë është marrë vetëm më akuzat daj PD-së, duke mos folur asnjëherë kundër LSI-së, qoftë edhe shkarazi. Në fakt Veliaj i ka pasur gjithnjë të mira marrëdhëniet me LSI, ku kujtojmë këtu votat e rëndësishme që ai mori nga kjo forcë si mbështetje për zgjedhjet lokale të 2015-ës. E ndoshta kjo stimë për LSI ka bërë që ditën e sotme Veliaj të zgjedh numrin “1” mbi supet e fanellës së tij, në përurimin e sallës moderne të lojërave me dorë “Feti Borova” në Parkun Olimpik, me një ndeshje basketbolli mes Shqipërisë dhe Kosovës. Kujtojmë se është LSI ajo që mban numrin 1 në fletën e votimit për zgjedhjet e 25 qershorit. Ndërkohë u vu re se Rama mbante mbi supe në fanellë numrin “2”, numri që PS ka në fletën e votimit për zgjedhje.
standard.al
Discussion about this post