Listat e kandidatëve për deputetë të Partisë Demokratike krijoi shumë pakënaqësi, sidomos në mesin e atyre që u lanë jashtë. E ndërsa arritën deri aty sa të kërkonin shkarkimin e Lulzim Bashës, ky i fundit prej dy ditësh i sfidon hapur duke thënë se vendimi i tij ishte i duhuri.
Edhe sot nga Gjirokastra ku hapi fushatën, Lulzim Basha iu dha një tjetër mesazh kritikëve, kur tha se ka krijuar ekipin me të cilin do arrinte fitoren në zgjedhjet e 25 qershorit.
“Kam krijuar ekipin tim fitues. këto janë vendime të drejta. Eshtë koha për vendime të forta, të mëdha, prandaj ju ftoj të vazhdojmë bashkë përpara”,- iu drejtua ai gjirokastritëve.
