Futbollisti i famshëm i Serisë A, Radja Nainggolan, i ka befasuar të gjithë sot, kur i ka kushtuar një përshëndetje të personalizuar aktorit të njohur të humorit shqiptar, Julian Deda.
“Përshëndetje Julian Deda! Të përqafoj nga larg. ‘Ciao’ bukurosh…!”, është përshëndetja e Nainggolan për Julin.
Këtë video të veçantë vetë Juli më pas e ka publikuar në profilin e tij në rrjetet sociale. Nuk dihet saktësisht se si është arritur deri këtu, por ka gjasa që ndonjë mik i Julit, që ka patur rastin të takohet me futbollistin e njohur, t’i ketë kërkuar atij që ta bëjë këtë përshëndetje.
Ju kujtojmë se Radja Nainggolan është një futbollist belg, i cili është bërë shumë i njohur për shqiptarët për shkak të angazhimit si mesfushor të tij në radhët e klubit të famshëm të Serisë A italiane, Romës.
Po ashtu Naingolan është edhe pjesëtar i kombëtares së Belgjikës, e cila po kalon një periudhë shumë të mirë gjatë këtyre viteve të fundit.
https://www.facebook.com/jdeda/videos/10209414350258609/