Standard.al

Basha: “Kjo ishte fitorja e parë e Republikës së Re”

0

Kreu i PD-së, Lulzim Basha ka mbërritur në ‘çadrën e lirisë’. Në fjalën e tij ai ka falënderuar të gjithë qytetarët dhe veçanërisht ka falënderuar qytetarët e Kavajës.

“Edi Rama u tërhoq nga një skenar ogurzi që do të kthente diktakturën në vendin e demokracisë”, tha Basha.

“Kjo ishte fitorja e parë e Republikës së Re”, u shpreh kreu i PD-së, Lulzim Basha i cili ka falënderuar edhe qytetarët me bindje të majta të qytetit të Kavajës.

Pjesë nga fjala e Bashës:

Kjo lëvizje nuk ndalet, manipulohet, apo të shitet, por marshon drejt fitores. E vërteta do të ishte e paplotë pa parë që Edi Rama kishte të drejtë se përveç frikës dhe refuzimit në përballjen me qytetarin e Kavajës dhe shqiptarëve ditën e dielë.

Rama e di, unë e di, miqtë tanë e dinë, se faktori i vetëm i destabilizimit në Shqipëri janë bandat e lidhura me pushtetin, kriminale. E shqiptarët do ta dinë që bandat kriminale po bëheshin gati të lanin hesapet në Kavajë me njëra-tjetrën. Të dy anët e këtyre bandave u përkasin të njëjtës anë, rilindjes dhe krimit të rilindur.

Është momenti të përsëris ftesën time për Edi Ramën e mazhorancës, për tu bërë pjesë e zgjidhjes së rëndë politike. Rruga e vetme për tu bërë pjesë e zgjidhjes është ndarja me krimin dhe drogë, dy faktorët kryesorë për destabilizimin e Shqipërisë dhe dy faktorët kryesorë për rrezikimin e zgjedhjeve të lira e të ndershme.

Rruga e vetme për tu bashkuar me mijëra shqiptarë që duan zgjedhje të lira dhe të ndershme, e rruga e vetme është qeveri teknike.

Kjo lëvizje sot është bashkimi i pathyeshëm për republikën e re. Qeveria teknike është rruga e vërtetë për zgjidhje të vërtetë politike. Sonte një mësim i madh për të gjithë skeptikët e qeverisjes së inkriminuar. Ne jemi gati të ju mirëpresim. Ne dhe qytetarët nuk jemi dhe nuk do të jemi kurrë më qytetarë të republikës së vjetër.

Leave A Reply

Your email address will not be published.

This site uses Akismet to reduce spam. Learn how your comment data is processed.