Sasia e lëndës narkotike të sekuestruar në Skrapar, në operacionin e koduar me emrin “Bogova” është 1 888 kilogramë, afro 1.9 ton. Droga u gjet në disa banesa të fshatit Përparim.
Në banesën e parë në pronësi të shtetasit Islam Zylyftari është gjetur një kamion i ngarkuar marijuana, me peshë 820 kg.
Në banesën e dytë në pronësi të shtetasit V.Z (i shpallur në kërkim) janë gjetur 50 thasë me marijuanë me peshë rreth 485 kg.
Në banesën e tretë në pronësi të shtetasit M.Z (i shpallur në kërkim) është gjetur një sasi prej 5 kg.
Po në vijim të operacionit janë gjetur të braktisura në rrugën nacionale Poliçan-Bogovë, në vendin e quajtur “Lëmi” 133 qese transparente (vakumi) me marijuanë me peshë rreth 576 kg.
Tre armë zjarri dhe 40 fishekë u zbuluan gjithashtu nga policia.
Islam Zylyftari 56 vjeç banues në Skrapar, u arrestua.
Ndërsa janë shpallur në kërkim
F.B 50 vjeç, banues në Përmet, ( pronari i kamionit)
M.Z 80 vjeç, banues në Durrës;
V.Z 62 vjeç, banues në Durrës;
Hetimet e mëtejshme do të kryhen nga prokuroria e Beratit për veprat penale “Prodhimi dhe shitja e lëndëve narkotike” dhe “Prodhimi dhe mbajtja pa leje e armëve luftarake dhe municionit”.
