Tre persona të maskuar kanë grabitur një banesë në Maliq nën kërcënimin e armëve. Pre e grabitësve ka rënë banesa e kambistit Vilson Mara, teksa të zotët e shtëpisë nuk ndodheshin aty.
Me sa duket grabitësit kanë qenë në dijeni të këtij fakti, dhe kanë hyrë në banesë për të vjedhur.
Por sapo kanë pikasur se po afrohej e zonja e shtëpisë ata janë larguar, pasi kishin arritur të merrnin një sasi parash.
Të zotët e shtëpisë të cilët kanë njoftuar menjëherë policinë, thonë deklarojnë se u janë grabitur rreth 3 mln lekë të vjetra.
Sakaq, policia ka nisur hetimet dhe po punon për identifikimin dhe kapjen e autorëve.