Derbi numër 149 i kryeqytetit mes Tiranës dhe Partizanit nuk do të jetë si të gjithë të tjerët për shumë arsye. Pozicioni që mban secila skuadër në klasifikim është vetëm një prej tyre, pasi shtohen edhe faktorë të tjerë si injorimi që tifozeria e organizuar vazhdon t’u bëjë bardhebluve apo edhe pamundësia e kësaj skuadre për të bërë përmirësime gjatë merkatos së janarit.
Në mungesë të tifozëve të Tiranës, biletat e sektorit H po shiten për ata të Partizanit.
Megjithatë, trajneri Mirel Josa nuk heq dorë nga sulmi, për të kërkuar një fitore që mungon që nga viti 2014. Ai do të nisë takimin me një tredhëmbësh, ku Merveil e Taku nga krahët do të mbështesin sulmuesin e vetëm të deklaruar, Ede.
Nga ana tjetër, edhe Starova hedh në fushë një 4-3-3 të kujdesshëm, me mundësi për ta ndryshuar varësisht nga ecuria e lojës.
Minutë pas minute
Tirana 0 – 0 Partizani, ora 19:00
Tirana (4-3-3): Lika; Doka, Teqja, Turtulli, Hoxhallari; Daja, Akuah, Karabeci; Taku, Merveill, Ede.
Trajner: Mirel Josa
Partizani (4-3-3): Hoxha; Fejzullahi; Krasniqi, Malota, Kalari; Vila, Ramadani, Batha; Torasa, Trashi, Ekuban.
Trajner: Sulejman Starova
Gjyqtar: Juxhin Xhaja / Anësorë: Ermal Barushi, Ridigert Çokaj / Arbitër i katërt: Dojando Myftari / Pas portave: Remzi Sadiku, Kreshnik Cjapi
