Eurodeputeti Knut Fleckenstein dhe zyrtari i PPE, David McAllister pas takimit në Kryesinë e Kuvendit, me kryeparlamentarin Ilir Meta dhe kryeministrin Edi Rama, i janë drejtuar selisë blu.
Ndonëse nuk bëhen të ditura detaje nga takimi me dy krerët e koalicionit qeverisës, do të jenë bisedimet e ndërkombëtarëve me kreun e opozitës Lulzim Basha, ato që do t’i japin një përgjigje më konkrete këtyre bisedimeve.
Pritshmëritë për dialog janë të mëdha, dhe vizita e dy zyrtarëve europiane parashikohet të jetë në funksion të kësaj, por ende nuk është gjetur rruga e përbashkët.
Fill pas takimit me Ramën dhe Metën, dy zyrtarët europianë i janë drejtuar selisë blu, ku tashmë kanë nisur takimin me kreun e PD-së, Lulzim Basha.
Me ardhjen në Tiranë të dy eurodeputetëve, parashikohet që të ketë një draft marrëveshje me disa pika konkrete në funksion të zgjidhjes së krizës.
