Pak ditë pas komunikimit të masës së sigurisë arrest shtëpie për ish-shefin e krimeve të komisariatit nr.2 në Tiranë, Dritan Metani, prokuroria dhe Shërbimi i çështjeve të Brendshme dhe Ankesave, kanë zbardhur disa detaje të hetimit.
Paratë që dyshohet se Metani mund t’i ketë përfituar nga aktiviteti i paligjshëm korruptiv nga funksionet në polici, sipas hetuesve i kamuflonte me shit-blerje së automjeteve.
Ky fakt është konfirmuar nga gjetja në banesën e Metanit të 5 akteve noteriale të huadhënies dhe shit-blerjes së makinave, raporton tv Klan. Vlera e këtyre akteve arrinte në 66.200 euro.
PRECEDENTI
Dritan Metani ka qenë arrestuar në vitin 2007 për korrupsion pasiv dhe në vitin 2008 është dënuar me 1 vit e 4 muaj burg. Në vitin 2013, Gjykata e Lartë e ka lënë në fuqi përfundimisht këtë dënim.
