Shpërthen Mentor Kikia: Në djall koalicioni dhe zgjedhjet, këta po na vrasin!

1
739

Në një kohë kur situata politike është shumë e nxehtë dhe nga të gjitha palët përvijohen çdo ditë akuza dhe kundërakuza gazetari Mentor Kikia tërheq vëmendjen për ato që çdo ditë shqiptarët konsumojnë. Ai thotë se ilaçet, ushqimet dhe pijet jo vetëm që po vrasin shqiptarët por edhe po i ndryshojnë genin.

“Ndërsa ata që i prodhojnë dhe na i shesin këto produkte, së bashku me ata që duhet t’i kontrollojnë, fëmijët e tyre i kanë në Vjenë, në lagjen e oligarkisë shqiptare”, thotë Kikia.

NGA MENTOR KIKIA

Bisedova me një mjek sot, i cili më tha se shkaku kryesor i rritjes së sëmundjeve kancerogjene janë ilaçet (përdorimi pa kriter që bëhet si nga vetë njerëzit ashtu dhe me rekomandim mjeku) dhe ushqimet.

Bisedova me një mik, pedagog i veterinarisë. Më renditi rreziqet që vijnë nga mishi i kafshëve që rriten me hormone. Më foli për produktet blegtorale që prodhohen nga qumështi pluhur. Më foli për kosin e “lopës” me qumësht pluhur. Më foli për djathin e “deles” e të “dhisë” që bëhen me qumësht pluhur dhe aromatizues artificialë. Më foli për rrezikun e sallameve që bëhen me 3-4 fishin e kimikateve për t’i zgjatur jetën sallamit.

Bisedova me një tjetër njeri, ekspert i sigurisë ushqimore dhe më foli për miellin që përdoret për bukë, me nivel proteine shumë të ulët. Më foli për bukën e “zezë’ që nxihet vetëm nga solucione kimike dhe shitet si bio. Më foli edhe për verën, një shishe e të cilës kushton sa një kg rrush, që prodhohet me ujë, alkool dhe ngjyrues artificial.

Pastaj edhe domatet me hormone që piqen për 24 orë, kastraveci që rritet për 48 orë, shalqiri që peshon 15 kg e qe mban aromë kungulli…

Lexova edhe fjalimin e djeshëm të Albin Kurtit në parlamentin e Kosovës, që fliste fiks për të njëjtat gjëra. Që akuzonte një grup tregtarësh vrasës që importonin krundet e Serbisë e i shesin për miell buke në tregun e Kosovës dhe Shqipërisë. Që fliste për prodhuesit e bulmetit që nuk ua blejnë qumështin fermerëve, por produktet i bëjnë me qumësht pluhur…

Mjeku që takova këtë mëngjes më tha se këta jo po e vrasin popullin, por po i ndryshojnë edhe gjenin me këto që po i fusin në trup.

Por ku flitet për këto probleme? Kush ngre zërin? Askush. Të gjithë flasin për politikë. Të gjithë e kanë mendjen tek koalicioni. Po na vrasin o njerëz, po na shkatërrojnë organizimin, po na deformojnë fëmijët fizikisht dhe mendërisht.

Në djall vaftë koalicioni dhe zgjedhjet, këta po na vrasin. Ndërsa ata që i prodhojnë dhe na i shesin këto produkte, së bashku me ata që duhet t’i kontrollojnë, fëmijët e tyre i kanë në Vjenë, në lagjen e oligarkisë shqiptare

Web Agency, Digital Agency, Web Development Agency

1 COMMENT

  1. Mjeku ka te drejte qe produktet ne fjale shkaktojne kancer.
    Por nuk eshte ky shkaku kryesor i kancerit, por jane tymrat e karburanteve dhe makinave qe prodhojne nano dhe mikro partikula ! Thellohuni mire here tjeter !

LEAVE A REPLY

Please enter your comment!
Please enter your name here